| home. | |
|---|---|
| news. | |
| comics. | |
| files. | |
| guestbook. | |
| links. | |
| rc5. | |
| forum. | |
| services. | |
| contact. | |
| login. | |
| review of040610-Aerodrome | |
|---|---|
|
noch de 17:45 stund, de i vo gestern auf heit durchgehend gschlofn hob, hoff i moi, dass i ned währendm schreim vo dem review einschlof ... oiso, fang ma moi gaaanz am anfang vo dem ganzn an: day one - independence day (mittwoch) nach stundenlangen überlegungen und verhandlungen kommen wir zum entschluss, dass 1 auto für 4 leute (kerstin, mollay, siess, meine wenigkeit) + fahrer (mei voda) doch zu wenig sein könnte. mei papsch fiat oiso die kerstin und mi (des auto wor so ziemlich komplett voll vo dem gepäck vo uns 2, und ned 4, leuten) zum pauschi. mit dem fohrma dann richtung aerodrome. ba da abfahrt wöllersdorf angelangt, kumman scho die ersten anzeichen eines festivals auf uns zu: a klana stau, 2 hiniche autos stenga am strossnrand, die leit spaziern afoch so neben die autos die strossn entlang... am offiziellen parkplatz angelangt => da nächste stau. hot allerdings ah seine vorteile kobt. i man, es kummt jo doch ned so oft vor, dass ma a frau vor seim auto siacht, de sie afoch so aufd stross hugalt und moi afoch so pipi macht  jo dann homa durt parkt. san draufkumman, dass ma vü zvü zeig mithom, des ma unmöglich auf 1moi trogn kinna. homa oiso is ganze essn+trinken im auto lossn. btw: wetter zu der zeit: strahlender sonnenschein. tjo .. bis ma dann hoit bam shuttle-bus halteplatz worn. auf amoi wirds vui finster, da vulle sturm ziagt auf und es fongt zum schitten an, dassd glaubt host, des gibts gor ned. dann so noch ca. 20-30 minuten wartezeit im regen endlich moi in an bus einekumman. am campingplatz angekommen, hot uns da korndi obgholt und zu unsera zelt-stadt brocht. wies dann aufghört hot zu regnen homa in gradi und da kerstin ihre zelte aufbaut. dann san pauschi, kerstin und i wieda zum shuttle und wolltn zruck zum parkplotz unser restliches zeig obholn. tjo, nur is der bus genau vom nord- zum süd-eingang gfohrn, dann hot uns da bus-schofär aussekaut und gmant, es dürfen kane leit mehr zum parkplotz mitgnumman wern, nurmehr welche vom parkplotz weg. tjo, dann sama durt gstanden, am oasch der wöt. kA wo ma san, kA wia ma do wiada weg kumman. owa auf amoi bleibt a bus vor unsera nosn steh und do huckt der schofär drin, der uns scho zu htl-zeiten vui daugt hot und da leiwanste fohrer überhaupt wor in de 5 johr. und der wor natürlich ah so nett und hot uns zum parkplotz mitgnumman. dort angelangt is nächste problem. wo is des scheiss auto?! jo noch so 1 stund suachn homas dann gfunden. dann homa uns glei moi eine gsetzt und a stund am fm4 a aerodrome-special anghuacht. dann wor uns des doch a bissl zfad oiso sama wieda zruck zum campingplotz. desmoi allerdings mit an taxi, weil de shuttle-gschicht doch a "bissl" oasch wor. jo dann natürlich glei moi is nächste problem: wo is unser zöt?? noch 1 1/2 stund oda so hot dann da pauschi in rene gfunden der uns dann zum zöt brocht hot. danoch homa moi zum saufen angfangen. tjo dann san irgendwann nurmehr da korndi und i do gwesn, weil olle andern scho gschlofn hom. wir 2 hom dann no so ziemlich is komplette gelände begutachtet, bevor ma dann um ca. 0630 schlofn gangen san. oiso i, da korndi dann erscht um 0730. do bin i dann scho wieda aufgstanden. da korndi hot do dann übrigends stott da kerstin 1 stund im zöt gschlofn. tjo, "dank" ungewitter ziemlich turbulent da erste tog. owa trotzdem recht luschtig. day two - the day after tomorrow (donnerstog) alkoholspiegel: eindeutig zhoch wetterlage: vüüü vhaas. mindestns 1000 grad. wenn ned sogor 40. jo, überspring ma moi die elend lange warterei bam zöt. um ca. 12e homa uns zum festivalgelände aufgmocht. is blede wor nur, des wor obgsperrt. und des wor ziemlich lang obgsperrt. irgendwann so noch ana stund worten oda so, is dann auf amoi so a hapschi aufs dachl vo so ana hittn aufekraüt und hot is ganze wasser wos si aufm dachl angsammelt kobt hot auf die verbrennenden, wartenden, ungeduldigen zuschauermassen gschleudert. worauf olle applaudiert und den typen vui angfeuert hom. der hot des sichtlich genossen und hot dann glei so geniale schlachtrufe wia "für schottland!!!!" oda "die mauer muss weg! die mauer muss weg!" von sich gegeben. dann issa afoch so vom dachl übern zaun ins festivalgelände gsprungan. tjo von dem typen dürften si dann einigen andere inspiriert gfühlt hom. denn kurz darauf hom die ersten reihen afoch de obsperrung niedagrissn worauf olle ins festivalgelände gstürmt san. wir glei direkt zur arena nova, dass ma no an plotz griagn. tjo, durt leida is söwa in grün. obsperrung. wieda die gleichen schlachtsänge, wieda noch elend langen wartereien die obsperrung gstürmt. scho geil  dann endlich die erste band: mnemic. wor eigentlich gor ned so schlecht. owa auf jeden foi vüüü zu laut. so extremes ohrensausen hob i in meim ganzen leben no ned kobt, wia noch dem konzert.dann wollt ma ausse aus da arena. tjo, pech kobt. kana derf eina, kana derf ausse. homa si hoit soilwork ah no angschaut. owa im mitten konzert san dann auf amoi so 1000 leit ind halle gstürmt. des hot für uns ghassn, dass ma wieda ausse kinna kom. sama oiso zur mainstage. durt homa si dover fertigangschaut. wahhh .. de sängerin is schiach .. grausslich. dann homa si entschieden uns a stickl vo die h-blockx anzschaun, wos sie später ois grosser fehler herausstellen sollte. noch a poor liada sama zum zöt a bissl saufn. dann wollt ma uns hatebreed in da halle geben. tjo, pech kobt. wieda moi olles obgsperrt und bis ma ein weiteres mal die obsperrung durchbrochen kobt hom, wor hatebreed grod aus. und da noch dena within temptation gspüht hom, sama afoch aus da arena gangen und hom uns durt hinghuckt und a weile mehr oder weniger gschlofn. dann homa uns an kebap kaft (2ter grosser fehler an dem tog). noch so 3 bissen homma unsere 4 kebap weggworfn. dann eine ind halle zu ill nino. glei moi bam erschtn liad viare ind 5te reih oda so. i sog nur: moshpit rulez! durt so ca. 40 minuten vuigas die press gehm. danoch zur mainstage zu die pixies. jo noch 30 minuten sama zum entschluss kumman, dass ma doch a "bissl" vaschwitzt san vo dem grenzgenialen ill nino auftritt. und da ma davon ausgangen san, dass die pixies "where's my mind" sicher erscht ois letzts liad spühn wern, sama zruck zum campingplotz umziang (3ter grosser fehler). tjo, nochdem ma dann "where's my mind" vom campingplotz aus ghört hom, sama dann glei dortbliem und hom unsern alkspiegel a bissl aufgefrischt. danoch pünktlich wieda aufd main za die red hot chili peppers. tjo, nochdem mi da korndi, dope und michl in da menge valorn hom, hob i ma den auftritt hoit allanich gehm. sehr gelungen muass i song. wor super. hot ma daugt. hom eigentlich olles gspüht, wos i ghofft hob. a bissl kurz vl. worn glaub i nur 100 minuten. owa wurscht. day three (freitog) um 0715 vom rene geweckt. hob übrigens olle 3 nächte ba da kerstin im zöt gschlofn, da die mollay und die siess daham gschlofn hom und die ke sunst allanich in dem grossn zöt gwesn warad. owa wurscht, rene, steffi, kerstin und i san dann auf jedn foi zum maci frühstücken. worn owa ned die anzigen leit durt. wia ma aussegangen san, is die aufs-essenbestellen-wart-schlange vom maci ausse bis vor die tür gangen. um ca. 1350 zur mainstage gangen und static-x angschaut. worn eh leiwand, owa da ma is komplette konzert durch nur aufn gradi gwort hom und daher ned viare in die menge gangen san, homa ah ned wirklich vü gsehn. danoch lostprophets. i sog nur: "i fuckin want everyone from you fuckers to rock with us now. from tha fuckin front to tha fuckin back. from tha fuckin left to tha fuckin right." na owa wor wirklich a fuckin guata auftritt. saugeil. danoch wieda am campingplotz chips futtern, radler trinken und bravo lesn dann an kurzen abstecher ind arena aufs haisl, danoch glei wieda aufd main zu slipknot. tjo, krank hoit. owa is jumpdafuckup wor scho genialst. hot afoch zu geil ausgschaut auf da leinwand wia so wwi 40.000 leit vuigas gsprungan san und si die press gehm hom. danoch korn. leida vü zu weit hinten. owa trotzdem saugeil. hom owa vü zu kurz gspüt meiner meinung noch. leider nur 1 stund. tjo, und dann is highlight vom Aerodrome_04: metallica. 2 1/2 stund pure genialität sozusong. hom so ziemlich olles gspüht. da james hetfield wor ganz klor da sympathischte typ va olle. die ganze zeit mitn publikum gredt und die ganze zeit nur glächelt und stimmung gmocht. und ba de host ah richtig gsehn, dass iana daugt. jo, pyrotechnik wor ah super. feuerwerk und des ganze zeig vui genial. a bozn auftritt hoit. afoch geil. saugeil unguat wor dann ollerdings, dass ca. 1 sekunden nochdems aufhört hom zan spühn vuigas zum schittn angfangen hot.day four (samstog) a bissl mitn pauschi am gelände herumgrennt und fotos gmocht. dann zaumpockt und gradi und kerstin ihre zöt obbaut. dann hamgfohrn. aufs hails gangen. ahhhh ... herrlich. dann duschn ... ahhhh .. rein. dann hails. ahhh .. herrlich. dann ins bett und erscht heite um 0915 wieda aufgwocht. alles in allem ah geniales festival. gfrei mi scho auf nächstes johr. i hoff zwor, dass einiges an da organisation ändern (haisl öfter leeren, nähere parkplätze, mehr leit ind arena nova lossn und ned immer schon ba 3000 von 5000 leit kan mehr eine lossn, ...), owa hinfohrn würd i auf jedn foi nomoi. i hoff, es is ned zu lang worn. glaub owa schon :? owa des hot afoch ois gsogt ghört. ihr kennts mi jo, wenn i moi anfang zum schreim, hör i so schnö nimma auf full review |
|
| back to the pictures |