| home. | |
|---|---|
| news. | |
| comics. | |
| files. | |
| guestbook. | |
| links. | |
| rc5. | |
| forum. | |
| services. | |
| contact. | |
| login. | |
| review of050609-novarock | |
|---|---|
|
also. i moch mol vorweg a klane zusammenfassung vom ganzen drumherum, bevor i zu die bands kumm. am mittwoch angereist, hot eigentlich no olles passt. bis auf des, dass _SOO_ vü koit wor. i hob scho fost olles ankobt, wos i für de 5 tog mitkobt hob. und mir wor trotzdem no orschkoit. leiwand wor, dass da parkplotz glei neben campingplotz wor und unser zöt nur a poor meter vom bühnengelände. die fahne wor ah super, weil mas in da nocht super gsehn hot und ma glei immer zum zöt gfunden hom. jo wos gibts no zum mittwoch zu sogn? zerst hob ma olle gmiatlich trunkn und dazöht, dann san ausserm rene und mir scho olle ur friah schlofn gangen. wir 2 san dann zu unserm nachbars-zöt gangen, wo lauter freundliche leit drin worn, de ihrn ganzen alk mit uns teilt hom. dann hot da rene no in bööörn (burn?) gholt, sein orbeitskollegn, dann is irgendwann da dope mit an hawara auftaucht, jo .. kurz zusammengefasst: gsoffn, gsoffn, graucht, gsoffn, gsoffn. da dope und i san dann um 4re sowos schlofn gangen, da rene is no durt bliem und hot dena zagt, wo da patl in most huit. am donnerstog irgendwann um 9e oder so aufgstanden, no leicht benommen vom vortog, draufkumman, dass SOO vü staub in unserm zöt is (hob ma übrigens mit da ke a zöt geteilt, fois des ned bekannt is - rene & nina worn in an zöt - michl & martin - und da wolfgang hot ah ans kobt, hot durt owa glaub i ned wirklich drin gschlofn sondern im auto.) jo, da vormittog wor jo no angenehm, es wor zwor koit, owa mocht jo nix. aber wie die bands angfangen hom, hots auf amol ah vull zum regnen angfangen. und es hot afoch nimmer aufkeat. es hot dann glaub i in ganzen tog und die ganze nocht durchgregnet. da des ganze gelände vorher a normaler acker wor, wors aufgrund vom regen nimmer wirklich angenehm durt, mit an wort: GATSCH! _nur_ gatsch! überoll! wir hom dann kurzerhand entschlossen, dass ma aufs zötln scheissen und jeden tog nochm headliner hamfohrn schlofn. des wor aber gor ned so afoch. am ersten tog hob ma glei mol 2 stund braucht, bis ma überhaupt vom parkplotz wegkumman san, weil afoch olles gstanden bzw. im gatsch gsteckt is. wie ma am donnerstog dann um 0400 endlich daham worn, wollt glaub i kana mehr so richtig, do worn afoch olle auf olles angfressn. am freitog, am frühen nachmittag wieder hingfohrn, hot des ganze scho ganz anders ausgschaut. is komplette bühnengelände wor mit stroh ausglegt, ka zeichen mehr vo gatsch. is wetter schen, ka spur vo regen, olles wunderboa. _so_ muass a festival sein. ob dann wor des festival eigentlich nur mehr super, muass i song. wenn der erste tog ned so verregnet und is gelände ned so dermaßen gatschig gwesen wär, warad des festival ohne ausnahmen saugeil gwesen. soweit zum wetter und dergleichen. die leit worn eigentlich olle gmiatlich, wär ma jetzt kana bled aufgfoin. ausser da michl, der hot wieder vull herumgstänkert  na, worn olle leiwand. bekannte hom ma ah ur vü troffn. scheidl (no na), ufo, reiter, karner, pinti, sommer, andi & designerrene (ex-orbeitskollegen), a poor oggauer und no an haufn anderer unwichtiger maxln  wos ma jetzt grod erst aufgfoin is .. mei auto is doch mehr mitgenommen vo dem festival, als i glaubt hob. der orme lack ..  najo guat, kumm ma zu die bands.. 09.juni.05 80's Matchbox B-Line Disaster vorher no ned kennt. worn aber gor ned amol schlecht, muass i song. hätt i ma vü anders vorgstellt. .6/10. And You Will Know Us By The Trail Of Dead na orschgeil. do hot, glaub i, _jeder_ _olles_ gspüht. zerst hot da ane gsungen, dann gitarr gspüht, dafia hot a anderer gsungen, dann hot a si aufs schlogzeig kaut. danoch da andere sänger am schlogzeig. und de hom 2 schlogzeig durt kobt, und des hot sooo vü geil ausgschaut, wenn sie de do zu zweit vui die press gebn hom. und de worn so super beleuchtet und im hintergrund so weisse wänd, jetzt host vo da band die ganzen schatten so super gsehn aufd wänd. hot saugeil ausgschaut. gitarren, mikroständer, drums . . do is olles quer überd bühne gflogen, de kinna si sicher noch jedem auftritt a neichs equipment kafn na, hom ma vui daugt..10/10. Team Sleep der name war programm na, wor eh leiwand, nur wor do dann is wetter scho so dermaßen scheisse, dass ma noch ana weile gangen san. aber sunst worns eh super. is owa ned jedermanns musik..7/10. Beatsteaks worn ah leiwand. is sabotage (beastie boys) cover wor saugeil, is drop it like it's hot (snoop dogg) cover wor dafia zum scheissn .8/10. Wir sind Helden hom olle so an gelben regenmantel ankobt, hot ma gfoin. die judith is so liab. aber die stimmung hätt besser sein können, hom ah eher fost nur ruhigere lieder gspüht..7/10. Audioslave na saugeil. bis dato beste stimmung im publikum (no na). a poor soundgarden und ratm liadl gspüht. black hole sun er ganz allanich mit da akustikgitarr. mah, so sche na echt a waunsinn..10/10. System Of A Down entgegen allen erwartungen hom die herren serj und daron ur super gsungen. überhaupt ned zu vergleichen mit die ganzen alten live-mitschnitte. dass als headliner ka zugabe gspüht hom, hob i zwor sehr merkwürdig gfunden, aber da is wetter eh so extrem scheisse wor und uns scho olles weh tan hot, wor i fost froh drüber, dass aus wor. und se hom lost in hollywood gspüht. aaahhhhh. do is ma ned nur ana obgangen, sog i eich. na, zwa! komplett vaschissn! sawgaöö göaaaa .10/10. 10.juni.05 The (International) Noise Conspiracy worn ned schlecht, hom mi owa ah ned wirklich vom hocker kaut. do hom ma mehr auf die leit, de si vor uns im stroh herumgwözt hom und si gegenseitig die unterhosn zrissn hom, gschaut, als auf die bühne.  .6/10. Mando Diao vo dena hätt i ma echt mehr erwortet. de hom mi irgendwie überhaupt ned überzeugt. liegt vl ah daran, dass i die ganze zeit mitn andi (ex-orbeitskolleg) gredt und ned wirklich vü aufd bühne gschaut hob. _DIAO_! .6/10. Weezer so sche. sooooo sche. island in the sun. aaaah. pardon me. aahhhh. na, echt wunderboa. hot, bis aufs echo, des do irgendwie zruckkumman is vo hinten, olles passt. .9/10. Marilyn Manson jo. dass i den typ ned leiden kann, dürft eh scho bekannt sein. die show wor ned schlecht, hätt owa ah besser sei kinna. da owa eh jeds zweite liad a coverversion wor, wors ned soo schlimm wie a aufd stötzn herumstolziert is, wor leiwand, weilst iam dann ah vo ganz hinten gsehn host .6/10. Die Ärzte so vü geil. i hob echt nur mehr tränen glocht. wenn des ned deitsche wären, würd i song, de san sicher ind htl in neistodt gangen, bei dem bledsinn, wos de die ganze zeit dahergredt hom "heute spielen wir ganz nach dem motto: masse statt klasse" "farin, ich will dich ficken!" "homosexualität ist eh ganz einfach. ich mach ihn dir hart und du steckst in mir rein." "wir sind papst!!" "ihr kauft unsre platten nicht mehr, wir proben nicht mehr!" na, 2 1/2 stund echt nur glocht so zirka..10/10. 11.juni.05 The Dissociatives sog ma mol so: österreich ist noch nicht bereit für the dissociatives. wor a bissl wenig stimmung, meiner meinung noch. mir homs vull daugt. da herr johns hot so zirka noch jedem liad an zug vo seiner jack daniels floschn gmocht ajo und da drummer wor soo vüü schwul. a hellrosa (so fleischforb) kapperl aufkobt und so a hellgrüne/türkisene trainingsjackn oder wos des wor. schwuchtl! .8/10. Reel Big Fish hom si die kerstin und i nur 2 liada oder so angschaut, dann sa ma zum zöt gangen, hom a bissl einegschniedn und dann zöt obbaut und olles ins auto trogn. ./. Soulfly tjo. hätt ma de ah gsehn. am anfang hob i ma echt docht "najo .. sooo super san de jetzt owa ah wieder ned. do hom ma ektomorf mehr daugt." owa noch a poor liada und wie's dann bleed mitn richie und back to the primitive gspüht hom, wor die stimmung scho am höhepunkt des tages, würd i mol song. mit da kerstin im wellenbrecher vorn vull die press gebn jo wos soll i no song. sgleiche wie bei ektomorf am aerodrome: geile live-band, aber die musik daugt ma deswegen ah ned vü mehr  .8/10. The Prodigy noch ana grauenhaften nightwish-pause wieder in wellenbrecher eine. da keith und da maxim hom stimmung gmocht bis zum geht nicht mehr. saugeil. poor mol owe vo da bühne und vorm wellenbrecher herumspaziert. super lichtershow. jo. saugeil. .10/10. 12.juni.05 3 Feet Smaller leider nur die letzten 3 lieder gsehn, aber dürft eh wieder so ziemlich is gleiche programm wie beim aerodrome gwesn sein. ./. Boysetsfire i würd mol song, stimmungstiefpunkt des tages. homs irgendwie ned gschofft, der menge einzuheizen. wir san dann noch a poor liada wos essen gangen und hom sis vo da weidn angschaut. .5/10. Millencolin hom mi ah ned wirklich überzeugt. waß ned, hätt ma mehr erwortet. .6/10. Green Day hob bei 100 minuten spielzeit genau 5 liada kennt, wovon ma 3 ned daugen. vo ana 16 johr oidn band wie green day hätt i ma scho mehr erwortet. nedamol when i come around homs gspüht. is ma eher wie a 'the dome'- als wie a rockfestival-auftritt vorkumman. die show wor eh leiwand, keine frage, so mit feuer und explosionen und konfetti wos i _sehr_ super gfunden hob: se hom 3 leit vom publikum aufd bühne gholt, de a liad spühn hom diafn. an drummer, an bassisten und an gitarristen. und in gitarristen hot a dann sogor sei gitarr gschenkt. sehr sozial vo iana..7/10. jo. wenns nächstes johr glei vo anfang an olles mit stroh auslegen, ah die wege am campinggelände, und beim parkplotz mehr ausfahrten mochn oder so, dass do ned zu stundenlangen staus kummt so wie des johr an eigentlich jedem tog, sollt is nova rock 06 eigentlich saugeil wern. voraussetzung is natürlich a gscheits lineup.. ------------------- by einstein_2000 ... kann im großen und ganzen anschließn .... um noch bands nachzureichen: Reel Big Fish mog die musikrichtung net, aber die habn ganz schön stimmung gmacht 8/10 In Extremo hab i vorher net kennt, nur 1 wochn vorher (oda so) hots da michl zum hean ongfongan, hot don soga live-vidoes kopt und die waren viel versprechend ... im endeffekt wons afoch nur genialst! show woa supa, michl und i woan ganz vorne im wellenbrecher, die hobn ah stimmung gmocht! und ganz wichtig: als einzige hobns ah no eine zugabe gmocht! ganz klar 10/10 |
|
| back to the pictures |